Sálmmaid girji 126

Go Hearrá jorgalii Siona vuorbbi,

de mii leimmet dego niegadeaddjit.

Dalle mii boagusteimmet,

mii lávlluimet ilus

ja min baksamiin gullojedje ávvučuorvasat.

Dalle álbmogat dadje:

“Hearrá lea dahkan sidjiide stuorráid!”

Duođaid, Hearrá dagai midjiide stuorráid,

ja mii šattaimet illui.

Hearrá, jorgal min vuorbbi

nugo Negeva jogažiid!

Dat geat čierrumiin gilvet,

dat ávvudemiin láddjejit.

Čieru sii mannet gilvit gortniset,

ávvudemiin sii máhccet

gordnegihput salas.